Nahi adina txartel eska daitezke. Ondoren, txartela jaso duen onuradunak parada izanen du zenbateko hori erabiltzeko beste edozein finantza-txartel balitz bezala, hau da, finantza-txartelek ohi dituzten aukera eta zerbitzu berberekin.

Eskudiruzko erabilerak soilik eragiten du txartelean kargatutako zenbatekoaren gainean.

Opari txartelaren bidez, aukera izanen duzu ondoko eragiketa hauek egiteko:

• Ordainketak dendetan.
• Ikuskizunetako sarrerak telefonoz edo internet bidez erostea.
• Bulegoetan eskudirua ateratzea.
• Eragiketak kutxazainetan:
  • Eskudirua ateratzea.
  • Sarrerak egitea (eskudirutan/taloiak).
  • Saldoak eta txostenak eskatzea.
  • Telefono mugikorrak kargatzea.
  • Txanpon-txartelak kargatzea.

• Urteko tarifak : 0€

  Txartelaren kopia egitea (bezeroak galtzen, hausten edo hondatzen badu), txartela bigarren aldiz aldatzetik aurrera: 3 euro.

  Gainera, zor txartel bat eta kreditu beste txartel bat baduzu, eta biekin egindako erosketak, guztira, 2.500 euro baino handiagoak badira seihilekoan, zor txartelaren seihileko kuota doakoa izanen da. 2.500 euro horietako 1.500 euro kreditu txartelaren bidez ordaintzen badituzu, bi txartelak izanen dira doakoak.

• Komisioak dirua eskuratzeagatik:

  Eragiketa egiten den sarea	Komisioa	Oharrak
  CAN	Doan
  Euro 6000	Eragiketaren %1: gutxienez 1,20€	Zure bulegoan galdetu txartelaren jaulkitze eremuaren araberako salbuespen politika
  Beste sareak	Eragiketaren %4: gutxienez 2,40 €	Sare nazionalak eta nazioartekoak

CAN txartelek teknologia berria dute:

• Zure CAN txartel berria seguruagoa da EMV Txip teknologia duelako, hots, egiazkoa dela bermatzen duen estandar europar berria.
• Horrekin, ordainketa bakoitzean zure PIN zenbakia edo zenbaki sekretua idatziko duzunez, ziur egonen zara txartelaren erabiltzaile bakarra zarela.
• Berria izan arren, orain arte bezala jarraitu ahalko duzu erabiltzen, munduko edozein kutxazainetan eta dendatan.
• Establezimenduak beren aspaldiko terminalak aldatu, eta EMV teknologia berrira egokitutako beste batzuk jartzen ari dira.
• Aipatutako aldaketa egin duten dendetan, eragiketa eginen da txartelaren txipa irakurriz, benetakoa dela egiaztatzeko; eta, sinatu beharrean, zure PIN zenbaki sekretua tekleatu, besterik ez duzu egin beharko.
• Gainerako establezimenduetan eragiketa orain arte bezala eginen da, txartelaren zerrenda magnetikoaren bidez eta ordainagiria sinatuta.
• Ordaintzeko behar duzun PIN zenbakia edo zenbaki sekretua kutxazain automatikorako erabiltzen duzun berbera da
• Gogoratu edozein unetan PIN zenbakia aldatzen ahal duzula gure kutxazain automatikoetan, eta buruz gogoratzen duzun zenbaki sekretua babestu behar duzula. Ez idatzi inon, eta ez esan inori. PIN zenbakia gogoratzen ez baduzu, zoaz betiko bulegora.