• Likidezia
  Fiskalitate erakargarriarekin batera, alde on nagusietako bat da. Inbertsio fondo bat kontratatzen duenak ia berehala izan dezake erabilgarri inbertitu duen kopurua. Legeak 24 eta 72 ordu arteko epea ezartzen du, fondo motaren arabera. Inbertsio fondoen likidazio balioa egunero kalkulatzen da, eta horrek inbertsioa kalkulatzeko eta balioztatzeko bidea ematen du.
• Dibertsifikatzea
  Maximoa, zenbatekoa gorabehera. Inbertsio fondoetan egindako ekarpenak beste bezero batzuenei gehitzen zaizkie. Hartara, ondare handiak pilatzen dira, eta horrek inbertsioen dibertsifikatzea hobetzean du eragina.
• Segurtasuna
  Modu egokian funtzionatzen dutela bermatzen duten organoek gainbegiratzen dituzte inbertsio fondoak kudeatzen dituzten entitateak. Hain zuzen, fondo nazionalak Balio Merkatuaren Espainiako Batzordeak gainbegiratzen ditu, eta nazioarteko kudeatzaileen fondoak, berriz, beste erakunde atzerritar batzuek.
• Errentagarritasuna
  Ez dago aurrez erabakia, baina fondorako onartua dagoen zenbateko minimoa sartuta ere etekinak lortuko dituzu. Gainera, uneoro izango duzu erabilgarri dirua, data jakin batzuk iritsi arte edo epe batzuk igaro arte zain egon gabe, beste produktu batzuekin gertatzen den moduan.
• Kudeaketa profesionala
  Fondoen entitate kudeatzaileek baliabide teknikoak eta giza baliabideak dituzte, oso kudeaketa profesionala . egin ahal izateko. Egungo finantza merkatuen konplexutasuna eta berrikuntzak aintzat hartuta, edonork izan ez dezakeen jakintza eta aztertzeko gaitasuna dakarte.
• Malgutasuna
  Zure arrisku mailari eta merkatuetan duen bilakaerarako dituzun itxaropenei hobekien egokitzen zaien fondoa aukeratzen duzu. Legeek izan dituzten azken aldaketen arabera, fondo batetik bestera zenbatekoak traspasa ditzakezu zerga kargarik gabe. Honenbestez, are malgutasun handiagoa duzu.
  
  Nafarroako Kutxak harpidetza planak edo dirua itzultzeko plan iraunkorrak eskaintzen dizkizu, eta horiek malgutasun handiagoa ematen dizute:
  • Inbertsio sistematikoak inbertsio fondoetan, etengabe joan behar izan gabe harpidetzak egitera
  • Harpidetza plana data jakin bat duena, zuk zeuk ezartzen duzun aldi jakin baterako.
  • Aldian behin dirua itzultzeko plana ordaintzeko premiei erantzun ahal izateko. .
• Informazio gardentasuna
  Entitate kudeatzaileak hiru hilean behin kudeaketaren txosten bat kaleratzen du, eta . sei hilabetean behin zure fondoen bilakaera deskribatzen duen txosten bat. Urtero, urteko kontuak eta txostena bidaltzen dira, informazio gehiago izateko.

Inbertsio fondoei ez zaie zerga aplikatzen PFEZan partaidetzen transmisio edo ateratzea egiten den arte. Inbertsio fondoen arteko traspasoak ez du zerga sortzen inbertitutako zenbatekoak behin betikoz erabiltzen diren arte.

Orduan, ondare-aldaketa sortuko da, irabazia edo galera, hau da, partaidetzen transmisio edo ateratze balioaren eta eskuratze edo harpidetzea balioaren artean (eguneratua, Euskadiren kasuan), kontuan hartuta eskualdatutzat jotzen direla lehenengoz eskuratu zirenak.

Horrela zehaztutako ondare irabaziek, 1994ko abenduaren 31 baino lehen harpidetutako partaidetzen ateratzeetatik badator, kenkaria izateko eskubidea izango dute.

Ondare-irabaziak galerekin konpentsatu ahalko dira, baldin eta galdera horiek azaltzen badira beste inbertsio fondo batzuen partaidetzen, akzioen eta/edo higiezinen salmenten bidez; emaitza, positiboa bada, aurrezkiaren oinarrian integratuko da, eta ondoko karga-tasa aplikatuko da zerga ordaintzean:

Emaitza negatiboa bada, hurrengo lau urteetan konpentsatu ahalko da.
Gainera, ondare-irabaziei atxikipena egingo zaie, zergaren konturako ordainketa modura:

Kasu guztietan, hasiera batean, 31-12-2013.

Bestalde, Nafarroan ez dira ondare gehikuntzei dagozkien zergak ordaindu behar, betiere urtean zehar egindako transmisioen zenbatekoa (inbertsio fondo, akzio eta higiezinen batura) 3.000 euro baino handiagoa ez bada aitortzaile bakoitzeko. Irabazizko erregimenean dauden senar-emazteen kasuan, 6.000 eurokoa izango da zenbatekoa.

• Dirua edozein unetan atera al dezakegu inbertsio fondoetatik?
  Agindua ematen baduzu zure eskura jarri ditugun bideak erabilita, eskatutako zenbatekoa dagokion kontuan ordainduko dugu. Buruan hartu inbertsio fondoen kontratazio ordutegia, bai eta egun baliodunak ere. 
  Oro har, asteburuak ez dira egun baliodunak izaten inbertsio fondoak kudeatzen dituzten erakunde gehienentzat.
  Zenbait fondok dirua ateratzeko komisioak dituzte eta komeni da hori ere kontuan hartzea dirua ateratzerakoan.
• Zein da zerga atxikipena dirua ateratzen dugunean?
  Gaur egun, eta orokorrean, erreskatatutako partaidetzen errebalorizazioaren % 15 da atxikipena.
• Zer da dirua ateratzeari aplikatzen zaion FIFO irizpidea?
  Inbertsio fondoetako dirua ateratzen dugunean, zergei begira, saldutakotzat jotzen diren partaidetzak dira lehendabizi erositakoak. Zerga atxikipena -halakorik bada- haien gainean kalkulatuko da.
• Dirua inbertsio fondo batetik bestera pasa al daiteke zergarik ordaindu gabe?
  Bai, legeek aukera ematen dute dirua inbertsio fondo batetik bestera pasatzeko, zergarik ordaindu gabe. Esate baterako, zilegi da dirua fondo batetik errenta aldakorreko fondo batera pasatzea eta alderantziz ere bai.
• Zergatik esaten da inbertsio fondoek zerga ordaintzen dutela partehartzailearen erabakien arabera?
  Partaidetzaren balioa igotzeak ez du esan nahi zergarik ordaindu behar ez duzunik, baizik eta ez duzula zergarik ordainduko aipatu partaidetzak berreskuratzen ez dituzun bitartean.  
  Horra zein den abantailarik nabarmenetakoa, era horretako aktiboetan inbertitzean. 
  Gainera, partaidetzen antzinatasuna urtebetetik gorakoa bada, irabazia oinarri berezian txertatuko da eta % 15eko zerga ordainduko du (tasa finkoa). Partaidetza horiek gehienez urtebeteko antzinatasuna badute, irabazia oinarri orokorrean txertatuko da, tasa marginalaren arabera.
  Horrek aukera emanen dizu dirua ateratzeko erabakia atzeratzeko, zerga tratamendu hobea lortu arte.