(edukira joan)

Bulegoak eta Kutxazainak

Edukiaren tresnak

  • Edukia inprimatu
  • Testuaren tamaina txikitu
  • Testuaren tamaina handitu

Konpromisoak gure profesional emakumeekin

  • Amatasuna dela eta, laguntzeko eta ordezkatzeko protokoloa: amatasuna biologikoa edo adopziozkoa izan, zuzendaritzan eta pertsonen garapenean erantzukizunezko egitekoak dituzten zuzendari emakume eta zuzendari aurreko emakumeek ziurtatuta dute hor jarraitzea eta aukera berdintasuna izatea amatasuneko baimena duten bitartean. Ama izango dela adierazten duen unetik bertatik jakingo du nork ordezkatuko duen. Amatasuneko baimena hasteko aurreikusita dagoen data baino hiru hilabete lehenago hasiko dira ordezkapena prestatzen eta baimen horren ondorengo hilabetean egitekoak partekatuko dituzte.
  • Lan ordezko tokietan egitea: aurrez aurreko lanaren kultura alde batera utzi eta gure profesionalei, malgutasuna eskatzen duen egoera pertsonal berezia dutenei, bulegoan bertan egongo balira bezala, funtzio berberak egiteko aukera ematen dien hornikuntza mugikor baten bidez, askatasun handiena ematen diegu.
  • Lanaldia murriztea, soldata murriztu gabe. 0 eta 3 urte bitarteko seme-alabak dituzten CAN Taldeko profesional guztiek lanaldia murriztu ahal izango dute urtebetean –hain zuzen, bi ordu-, soldatan eraginik izan gabe.
  • Lanaldia murriztea eta eskolako egutegiarekin bateratzea. 40 urtetik gorako emakumeek –lanaren arloan sartzeko zailtasunik handienak dituen taldeetako bat osatzen dute- lanaldiaren erdian bakarrik lan egiteko aukera dute ikasturtean.
  • Sexu jazarpenaren eta sexu bereizkeriaren aurkako protokolo bat kaleratzea. Sexu jazarpenaren gaineko gure printzipio adierazpena da, salaketen aurrean nola jokatu behar den markatzen duena.
  • Merkataritza sarearekin izan beharreko bileren protokoloa. Antolaketako bide bakarra ezartzea bileren egutegi begirunetsuak bermatzeko, aurretikako gidoia eta gutxi gorabeherako iraupena dutela.
  • Denboraren kudeaketarako prestakuntza. Denbora kudeatzeko prestakuntza programa. Bulegoan eraginkortasuna lortzeko antolakuntza praktika onenen eskuliburua egiteko asmoa hartzen du programa honek.
  • Zuzendaritzako bulegoak 19:45ean ixtea.
  • Genero esklusibotasuna alde batera uztea zenbait lanpostutan, besteak beste, zaintza lanpostuetan (emakumeek egin ahal izatea), eta garbitasun edo idazkaritza lanpostuetan (gizonek egin ahal izatea).
  • Talde paritarioak bultzatzea, Bezeroaren Arretarako arlo guztietan eta Cancha guztietan.
  • Emakumeen Lidergoa I. Ikastaroa eman zitzaien erakundeko 17 zuzendari emakumeri. Emakumeen eta gizonen arteko kultura desberdintasunetatik abiatuta, estrategia jokaera eta zuzendaritzarekin lotutako pentsamoldea trebatzera bideratuta egon zen, hain zuzen.
  • Hizkuntza ez sexistaren eskuliburua argitaratzea. Barnean aplikatzeko gida honek generiko unibertsalen erabilera ezartzen du eta emakumearentzat esanahi gutxiesgarriak izan ditzaketen edo desberdintasuna eragiten ahal duten terminoak alde batera uztea dakar.

            
 


© Copyright. Banca Cívica. Eskubide guztiak erreserbatuta.